Հորատման և երկրաբանահետախուզական աշխատանքներ կատարելիս, ընկերության առաջնային պահանջը մասնագետներին՝ խստորեն պահպանել օրենսդրությամբ սահմանված բոլոր այն կանոնները, որոնք առնչվում են հորատման և հորատհանուկի ստացման աշխատանքներին , շրջակա միջավայրի պահպանության պահանջներին:
Ընկերությանը թույլատրված տարածքում երկրաբանահետախուզական աշխատանքների հետ համատեղ իրականացվում են նաև բնապահպանական միջոցառումներ:Մեր որդեգրած քաղաքականության առավել պատասխանատու բաղադրիչներից մեկն է՝ շրջակա միջավայրի վրա, գործունեության ընթացքում բացասական ազդեցության նվազեցում և պատճառված բնապահպանական վնասի վերականգնում:
Ընկերությունը պարտավորվում է.
- Ապահովել ընդերքի , մթնոլորտի, հողի, անտառների, ջրերի, բնության և շրջակա միջավայրի մյուս օբյեկտների անվտանգությունը՝
ընդերքաօգտագործման հետ կապված աշխատանքների վնասակար ազդեցությունից: - Ապահովել բնության , պատմական և մշակութային հուշարձանների պահպանությունը:
- Վերականգնել և բարելավել ընդերքօգտագործման հետևանքով խախտված հողամասերը , դրանք պիտանի դարձնել տնտեսության մեջ օգտագործման համար կամ բերել անվտանգ վիճակի:
- Ապահովել ընդերքաօգտագործման հետ կապված աշխատանքների կատարման անվտանգությունը:
- Կատարել նյութերի՝ օդային արտանետումների որակական և քանակական պարամետրերի պարբերական չափումներ, երեք ամիսը մեկ հաճախականությամբ:
- Մեքենայական յուղերի և քսայուղերի օգտագործման պատճառով՝ կատարել հողերի աղտոտվածության մշտադիտարկումներ, հողերի հնարավոր աղտոտումից խուսափելու նպատակով:
- Հորատման աշխատանքները կատարել ժամանակակաից հորատող հաստոցներով , որոնք կապահովեն փոշու նվազագույն առաջացումը:
Բացհանքի շահագործման ավարտից հետո, տեխնիկական ռեկուլտիվացումից հետո, իրականացնել տարածքի բուսական շերտի վերականգնում:Ընկերությունը, տեխնիկական ռեկուլտիվացումից հետո, շարունակական մոնիթորինգի է վերածում կենսաբազմազանության, ջրային և հողային զանգվածի ուսումնասիրման և վնասի նվազեցման միջոցառումների կիրառումը:
Մեր ընկերությունը պահպանում է մարդու իրավունքների դրույթները ՄԱԿ-ի մարդու իրավունքների հռչակագրին համապատասխան: Ընկերությունը ընդունում և գիտակցում է սոցիալական խնդիրների պատշաճ կատարումը ,որպես առաջնահերթություն և ձգտում կայուն զարգացման:
Իր գոծունեության ընթացքում ընկերությունը իրականացնում է սոցիալական ծրագրեր, որի նպատակն է բարձրացնել աշխատակիցների և ազդակիր համայնքներում ապրող մարդկանց կյանքի որակը:
Մեզ համար կարևոր է ընկերության գործունեության դրական ազդեցությունների ավելացումը և հնարավոր բացասական ազդեցությունների բացառումը կամ մեղմումը : Մեր գործունեության բոլոր փուլերում ՝ նախագծումից մինչև շահագործում , մենք կարևորում ենք , թե ինչ տնտեսական նկարագիր ունի ազդակիր համայնքը և ինչպիսի ազդեցություն կարող է ունենալ մեր գործունեությունը ազդակիր համայնքի տնտեսական կյանքի վրա:Հանքարդյունաբերական համալիրի շահագործման ընթացքում նախաձեռնողը նախատեսում է մասնակցել ազդակիր համայնքների զարգացման ծրագրերին: Տեղի և հարակից շրջանների բնակիչների ներգրավումը կնպաստի նրանց կենսամակարդակի բարելավմանը` լուծելով մի շարք սոցիալական խնդիրներ:
Մասնակցությունը կիրականացվի տարբեր ուղղություններով:
Մենք պարտավորվում ենք ՝
- Բնակիչներին տրամադրել նյութական օգնության:
- Մանկապաևտեզներին և դպրոցներին տրամադրել նյութական աջակցություն
- Մասնակցել համայնքների զարգացման սոցիալ-տնտեսական ծրագրերին:
- Ստեղծել նոր աշխատատեղեր:
Ընկերության համար առաջնային պայման է հանդիսանում դրական հարաբերություններ ունենալ ազդակիր համայնքների հետ, որի վառ ապացույցն է ընկերության մշտական այցերն ու հանդիպումները բնակչության և համայնքապետերի հետ: Այցերի և հանդիպումների նպատակն է ապահովել փոխադարձ հարգանք և համագործակցություն, սոցիալական ծրագրերի իրականացման համար, ի բարօրրություն տարածաշրջանի համայնքներին և բնակչությանը:
Մենք բարձր ենք գնահատում մեր աշխատակիցների առողջությունն ու անվտանգությունը, և անում ամեն ինչ բացառելու աշխատանքի ընթացքում հնարավոր վնասների առաջացումը: Աշխատողների անվտանգությունը եւ առողջությունը աշխատանքային գործունեության ընթացքում աշխատողների կյանքի եւ առողջության պահպանման համակարգն է, որը ներառում է իրավական, սոցիալ-տնտեսական, սանիտարահիգիենիկ, բուժկանխարգելիչ, վերականգնողական եւ այլ միջոցառումներ: Կազմակեպությունը անցկացնում է մի շարք պլանային աշխատանքներ ուղղված աշխատանքի պայմանների բարելավմանը արտադրական տրավմատիզմի նվազեցմանը՝
• Աշխատանքի ընդունվող բոլոր աշխատակիցների հետ անցկացնել նախնական ուսուցում անվտանգության կանոնների վերաբերյալ :
- Բոլոր մասնագիտությունների գծով աշխատողներին հրահանգավորել աշխատանքների անվտանգ կատարման կանոնները:
- Անձնակազմին ապահովել համապատասխան արտահագուստով, կոշիկներով,անհատական պաշտպանիչ միջոցներով ՝ սաղավարտ, ակնոց, լամպ, ձեռնոց, առաջին օգնության համար դեղորայք և պարագաներ:
- Լեռնային և տրանսպորտային մեքենաների և սարքավորումների ղեկավարումը թույլատրել այն անձանց ովքեր անցել են հատուկ ուսուցում և ունեն այդ մեքենաների և սարքավորումների ղեկավարելու իրավունքի վկայական:
- Ապահովել առաջին բուժօգնության համար անհրաժեշտ միջոցներ:
Ընկերության աշխատակիցները պարտավորվում են իմանալ առողջության և անվտանգության ապահովման մասին իրենց պարտավորությունները և խստագույնս հետևել հրահանգավորումներին:
